作者早前曾經十分熱衷於炒全購股，因發現當一隻股票喺臨開市前先公布私有化建議時，因消息來得突然，開市時參與嘅炒家不多，開市競價嘅成交價有時會比預期中低，等消息傳開了，大家睇到新聞了，先慢慢追入炒高股價。

但hkexnews目前並無依種訂閱指定類別消息嘅功能。

因此，我寫左一個小程式，去capture hkexnews關於全購、私有化嘅通告，通過telegram自動發通知，效果甚好。喺年中嘅時候，幾乎每一隻全購股開市時競價時段我都會沾一沾手，但後來發覺買入後遲遲都未公布投票日嘅情況好多，經常不知要揸到何時何月，風險回報只屬麻麻。現在我已經淡出依個策略了，但Code都寫左，不如公諸同好。

效果圖，Bot會喺Telegram自動send通告俾我

先說明一下點用:

打開Telegram點擊搜尋鍵

搜尋HkexNewsExpressBot

按一下"/"鍵展開命令欄

點一下/subscribe 訂閱，系統會傳回一個網址，打開該網址

打開申請表格後，填寫股份代號、名稱、標題或訊息 (至少填寫一項)

依四項其實就相當於https://www.hkexnews.hk/index_c.htm網站上嘅搜尋功能。
所以請先喺官網上確保你輸入嘅關鍵字係搵到野嘅，先好入落去我個App度，否則係無野send到俾你嘅。
另外有個不同之處，就係「股份名稱」依個欄位，hkexnews會強制你輸入一個有效同完整嘅代號 + 名稱，而我依個Bot容許你輸入不完整組合，例如「阿里」會包含「阿里巴巴」同「阿里健康」兩隻股票。

按「提交」後，系統會立即傳送最近7日嘅新聞推送俾你，其後會每廿分鐘(暫定)推送一次未曾推送嘅消息。唔會重複推送，放心。

以上圖為例，我輸入嘅關鍵字如下:
標題類別: 私有化
訊息標題: 撤

可以見到標題類別中包含關鍵字「私有化」、訊息標題亦包含關鍵字「撤」，所以當Bot搵到相關訊息時，就會自動推送出去。

訂閱嘅部份講到依度先。其他功能仲包括查詢目前訂閱、取消訂閱等，大家可以自己慢慢探索。未來亦會繼續增加hkexnews以外嘅其他資訊推送功能，到時整好再通知。